巴西小镇自己建造新耶稣像 将成全球最高

大家应该都知巴西地标就係里约热内卢嘅耶稣像,高38米双手张开阔度达28米,今年已经係落成第90周年,全球知名。不过点都估唔到位于巴西南部一个小市镇Encantado,竟然胆敢下战书,正自行建造一个高43米嘅「守护者耶稣像」(Christ The Protector),动作跟原本嘅一样,只係高度更高,一旦落成将成为全球最高耶稣像!

计划其实早于2019年时已经开始,不过去年受到肺炎疫症影响要停工,而更不幸嘅係提出计划嘅市长更因为感染肺炎而去世。虽然小镇只有2万多人口,不过呢次壮举就令全巴西人都引颈以待,更为佢哋对宗教嘅信仰感到无比敬重,全国人都纷纷出钱出力帮助小镇去完成耶稣像,希望达成去世市长嘅遗愿,实在意义深远呢!

发表评论

邮箱地址不会被公开。 必填项已用*标注